نئی دہلی: ملک میں گزشتہ 24 گھنٹے کے دوران چار ریاستوں اور ایک مرکز کے زیر انتظام علاقے میں کورونا انفیکشن کے نئے معاملے سامنے آئے ہیں اور باقی ریاستوں؍ مرکز کے زیر انتظام علاقوں میں ان کی تعداد میں کمی آئی ہے ۔صحت اور خاندانی بہبود کی مرکزی وزارت نے منگل کو کہا کہ صبح 7 بجے تک 220.59 کروڑ سے زیادہ ویکسین دی گئی ہیں۔وزارت نے کہا کہ ملک میں کورونا کے فعال کیسز 1771 پر برقرار ہیں اور اسی مدت میں کورونا سے 135 افراد صحت یاب ہوئے ہیں، جس کی وجہ سے کووڈ سے صحت یاب ہونے والوں کی کل تعداد بڑھ کر 44151027 ہو گئی ہے ۔ صحت یابی کی شرح 98.80 فیصد تک پہنچ گئی ہے ۔ ملک بھر میں راحت کی بات یہ ہے کہ گزشتہ 24 گھنٹے میں کورونا وائرس کے انفیکشن سے کسی بھی مریض کی موت نہیں ہوئی ہے جس کی وجہ سے ہلاکتوں کی تعداد 530745 اور شرح اموات 1.19 فیصد پر برقرار ہے ۔
