وزرائے اعظم مودی اور شیخ حسینہ کی باہمی اُمور پر بات چیت کے بعد پریس کانفرنس
نئی دہلی: بنگلہ دیش کی وزیر اعظم شیخ حسینہ ہندوستان کے چار روزہ دورے پر ہیں۔ شیخ حسینہ نے حیدرآباد ہاؤس، دہلی میں وزیر اعظم نریندر مودی سے ملاقات کی۔ اس دوران دونوں ممالک کے درمیان دفاع اور سلامتی، پانی کی تقسیم اور ہندوستانی قیادت کے ساتھ ممکنہ اقتصادی شراکت داری کے امور پر تبادلہ خیال کیا گیا۔بعد میں 7 ہند ۔ بنگلہ دیش معاہدوں پر دستخط کئے گئے۔ وزیر اعظم شیخ حسینہ کے ساتھ مشترکہ پریس کانفرنس سے خطاب کرتے ہوئے وزیر اعظم نریندر مودی نے کہا کہ دونوں ممالک کے درمیان تجارت تیزی سے بڑھ رہی ہے۔پی ایم مودی نے کہا کہ ہم نے آئی ٹی، خلائی اور نیوکلیئر شعبوں میں تعاون بڑھانے کا فیصلہ کیا ہے۔وزیر اعظم نریندر مودی نے منگل کی صبح راشٹرپتی بھون میں اپنے بنگلہ دیشی ہم منصب کا استقبال کیا، جہاں انہیں رسمی گارڈ آف آنر پیش کیا گیا۔پی ایم مودی نے مزید کہا کہ دوستی سے آپ کسی بھی مسئلے کو حل کر سکتے ہیں۔ لہذا، ہم ہمیشہ ایسا کرتے ہیں. دونوں وزرائے اعظم آج تجارت، رابطے اور دفاع سے متعلق امور پر تبادلہ خیال کرنے والے ہیں۔ہندوستان اور بنگلہ دیش کے درمیان کشیارا ندی پر پانی کی تقسیم، ریلوے میں تربیت اور آئی ٹی تعاون، سائنس، خلائی اور میڈیا تعاون کے معاہدوں پر دستخط کرنے کا امکان ہے۔شمال مشرق کی آٹھ ریاستیں، آسام، میگھالیہ، تریپورہ، اروناچل پردیش، منی پور، ناگالینڈ، سکم اور میزورم محض 22 کلومیٹر چوڑے سلیور کے ذریعے باقی ہندوستان سے جڑے ہوئے ہیں۔ اس سے علاقے تک پہنچنے والے سامان کی قیمت میں نمایاں اضافہ ہوتا ہے۔ہر ہندوستانی حکومت نے بنگلہ دیش سے کہا ہے کہ وہ اپنی سرزمین میں ٹرانزٹ اور تجارت کی اجازت دے۔ذرئع نے بتایا کہ اپنی آمد کے چند گھنٹوں کے اندر، شیخ حسینہ نے وزیر خارجہ ایس جے شنکر سے ملاقات کی اور دو طرفہ دلچسپی اور اہمیت کے امور پر تبادلہ خیال کیا۔جے شنکر نے ملاقات کے بعد ٹویٹ کیاکہ بنگلہ دیش کی وزیر اعظم شیخ حسینہ سے ملاقات کرکے خوشی ہوئی۔ ہماری قیادت کی سطح کے رابطوں کی گرمجوشی اور تعدد ہماری قریبی ہمسایہ شراکت داری کا ثبوت ہے۔ جمعرات کو حسینہ معین الدین چشتی کی درگاہ پر حاضری کے لیے اجمیر جانے والی ہیں۔شیخ حسینہ جو سینئر وزرا کے ساتھ ہیں، صدر دروپدی مرمو اور نائب صدر جگدیپ دھنکڑ سے بھی ملاقات کریں گی۔
شیخ حسینہ نے مزار حضرت نظام الدین اولیاءؒ پر حاضری دی
نئی دہلی : بنگلہ دیش کی وزیر اعظم شیخ حسینہ نے پیر کو ہندوستان کے اپنے چار روزہ دورے کے پہلے دن دہلی کے بستی نظام الدین اولیاءؒ میں واقع درگاہ نظام الدین اولیاءؒ کی زیارت کی ، محبوب الٰہی حضرت نظام الدین اولیاء کے مزار پر حاضری دے کر فاتحہ پڑھی۔ وزیر اعظم حسینہ جو پہلے دن میں یہاں پہنچی تھیں،تقریباً 700 سال پرانی درگاہ کا دورہ کیا۔ حضرت محبوب الٰہیؒ کی درگاہ ہندوستان میں چشتیہ صوفی ازم ثقافت کامرکزکہلایا جاتا ہے۔وزیر اعظم کے ڈپٹی پریس سکریٹری کے ایم سخاوت مون نے صحافیوں کو بتایا کہ وزیراعظم حسینہ نے ملک، مسلم کمیونٹی اور پوری دْنیا کی ترقی، خوشحالی اور فلاح و بہبود کے لیے دعائیں کیں۔وزیر اعظم حسینہ اپنے والد بنگ بندھو شیخ مجیب الرحمن کے قتل کے بعد 1975 سے 1981 تک دہلی میں اپنے قیام کے دوران درگاہ حضرت نظام الدین پر حاضری دیتی تھیں۔