نئی دہلی: دہلی پولیس کے اکنامک آفینس ونگ نے 18 فیصد سے 20 فیصد تک اعلیٰ شرح سود کے بہانے 30 سے زیادہ لوگوں کو کروڑوں روپے کا دھوکہ دینے کے الزام میں میاں بیوی کوگرفتارکیا ہے۔ ایک اہلکار نے جمعرات کو کہا کہ سرمایہ کاری کی گئی رقم کے تحت یہ دھوکہ دہی ہوئی ہے۔ ملزمان کی شناخت سکھویندر سنگھ سہانی (51 سالہ) اور اس کی بیوی شیتل سہانی (49 سالہ) کے طور پر کی گئی ہے۔ اس جوڑے کو 24 اپریل کو رشمی بترا کی جانب سے دائر کی گئی شکایت کی تحقیقات کے بعد گرفتار کیا گیا ہے۔ یہ مقدمہ دوارکا ساؤتھ پولیس اسٹیشن میں تعزیرات ہند کی دفعہ 420 (دھوکہ دہی)، 406 (مجرمانہ اعتماد کی خلاف ورزی) اور 120B (مجرمانہ سازش) کے تحت درج کیا گیا تھا۔ شکایت کے مطابق، ملزم جوڑے جو بوتیک اور ٹفن سروس چلاتے ہیں، نے بترا اور دیگر31 شکایت کنندگان سے اپنا تعارف کروایا تھا کیونکہ وہ پنجاب کے زیرک پور میں انورٹرز/بیٹریوں اور رئیل اسٹیٹ کے ہول سیل کاروبار میں تھے۔ ڈپٹی کمشنر نے کہا انہوں نے متاثرین کو ان کی دھوکہ دہی والی سرمایہ کاری کی اسکیموں میں سرمایہ کاری کرنے کا لالچ دیا جس میں سرمایہ کاری پر 18 فیصد سے 20 فیصد ماہانہ تک زیادہ منافع کا وعدہ کیا گیا تھا۔
پولیس ایم آئی حیدر نے تفصیلات بتائی ہیں۔ ملزمان نے مبینہ طور پر سرمایہ کاروں کا اعتماد جیتنے کے لیے انہیں ابتدائی طور پر وعدے کے مطابق منافع کی رقم ادا کی اور بعد میں انہیں اپنے رشتہ داروں اور دوستوں کو لاکر مزید سرمایہ کاری کرنے پر آمادہ کیا۔ جوڑے نے دوبارہ سرمایہ کاری کے لیے گھریلو خواتین کو بھی پھنسایا۔ تفتیش کے دوران پولیس کو بینک کھاتوں کی تفصیلات حاصل ہوئیں جن سے متاثرین سے رقم کی وصولی ثابت ہوئی اور بعد ازاں جوڑے کو گرفتار کرلیا گیا۔
