چنئی ۔ ہندوستان اور بنگلہ دیش کے درمیان پہلا ٹسٹ میچ چنئی میں شروع ہوا ہے ۔ اس دوران ایک فیصلہ بھی کیا گیا جو چیپاک میں کھیلے گئے ٹسٹ میچ کی تاریخ میں 42 سال بعد دیکھنے کو ملا ہے۔ یہ فیصلہ بنگلہ دیشی ٹیم نے کیا ہے۔ ٹاس جیت کر پہلے بولنگ کرنے کا فیصلہ آخری بار 42 سال قبل چنئی میں ایک ٹیم نے کیا تھا۔ بنگلہ دیش کے فیصلے کی وجہ سے ہندوستانی ٹیم کے ساتھ کچھ ایسا ہی ہوا، جو اس کے ساتھ صرف9 ویں بار گھریلو سرزمین پر ہوتا دیکھا گیا ہے۔ بنگلہ دیش نے ٹاس جیت کر پہلے بولنگ کا فیصلہ کیا۔ سال 1982 میں چنئی میں کھیلے گئے ٹسٹ میچ میں کچھ ایسا ہی دیکھنے میں آیا جب ایک ٹیم نے ٹاس جیت کر بولنگ کا فیصلہ کیا۔ اس دوران وہاں 21 ٹسٹ کھیلے گئے لیکن ہر بار ٹاس جیتنے والی ٹیم نے پہلے بیٹنگ کی۔ بنگلہ دیش کے ٹاس جیت کر پہلے بولنگ کرنے کے فیصلے کی وجہ سے، یہ 9 واں موقع تھا جب ہندوستان کو کسی ہوم ٹسٹ میں پہلے بیٹنگ کی دعوت دی گئی۔ اس سے قبل 8 بار ایسا ہو چکا ہے لیکن آسٹریلیا کے علاوہ دیگر ٹیمیں فتح درج کرنے میں ناکام رہی ہیں۔ گزشتہ 8 ایسے مواقع پر6 ٹسٹ ڈرا ہوئے ہیں جبکہ آسٹریلیا نے اپنے دونوں میچ جیتے ہیں۔ بیٹنگ کیلئے مدعو کئے جانے کے بعد ہندوستان کی شروعات ناقص رہی۔ ان کی ٹاپ تین بڑی وکٹیں یکے بعد دیگرے جلد گرگئیں۔ بنگلہ دیش کے فاسٹ بولر حسن محمود نے ہندوستان کی پہلی تین وکٹیں حاصل کیں۔ روہت شرما نے19گیندیں کھیلنے کے بعد صرف 6 رنز بنائے۔ شبھمن گل 8 گیندیں کھیلنے کے بعد بھی کھاتہ نہیں کھول سکے جبکہ ویرات کوہلی نے بھی 6 رنز بنائے۔ اس کے بعد ہندوستان کو دوسرے سیشن میں چوتھا جھٹکا لگا۔ رشبھ پنت 39 رنز بناکرآؤٹ ہوئے۔ حسن محمود نے پنت کی وکٹ بھی حاصل کی۔
