قاضی پیٹ۔/11 جنوری، ( سیاست ڈسٹرکٹ نیوز) حیدرآباد کے مشیرآباد علاقہ سے تعلق رکھنے والے پانچ نوجوانوں کے کونڈا پوچماں ساگر میں غرقاب ہونے کے واقعہ پر رکن قانون ساز کونسل بی آر ایس کلوا کنٹلہ کویتا نے گہرے دکھ اور افسوس کا اظہار کیا۔ انہوں نے ہلاک ہونے والوں کے افراد خاندان سے تعزیت کا اظہار کا۔ بی آر ایس قائد کویتا نے متاثرہ خاندانوں کو ہر ممکن مدد فراہم کرنے کا حکومت سے مطالبہ کیا۔ انہوں نے حکومت کو مشورہ دیا کہ اس قسم کے افسوسناک واقعات کو روکنے کیلئے آبی ذخائر کے قریب سخت حفاظتی اقدامات کئے جائیں۔
