ریاض : سعودی کمیونیکیشن اینڈ انفارمیشن ٹیکنالوجی کمیشن نے مکہ المکرمہ میں 1443ھ ذی الحج کی سات تاریخ کو مواصلاتی نیٹ ورکس کی کارکردگی کا انکشاف کرتے ہوئے بتایا کہ 7ذی الحج کو عازمین حج نے 13 ملین سے زیادہ فون کالیں کی۔ اس دوران انٹرنیٹ پر ڈیٹا کی کھپت کا حجم 3.44 ہزار ٹیرا بائٹس تک پہنچ گیا، جو کہ 1.41 ملین گھنٹے ویڈیو دیکھنے کے برابر ہے۔اتھارٹی کی طرف سے جاری کردہ اعدادوشمار میں روزانہ اوسطاً فی کس ڈیٹا کی کھپت (832 ایم بی ؍ سبسکرائبر) شامل ہے جو کہ 200 ایم بی ؍ سبسکرائبر کی فی کس عالمی کھپت کی شرح سے 3 گنا زیادہ ہے۔ سب سے زیادہ ڈیٹا یوٹیوب، ٹک ٹاک ، فیس بک، اسنیپ چیٹ، انسٹاگرام جیسے پلیٹ فارم پر استعمال کیا گیا۔اعداد و شمار سے پتہ چلتا ہے کہ موبائل انٹرنیٹ ڈاؤن لوڈ کی رفتار کی شرح 258.36 Mbit؍s تک پہنچ گئی جو گزشتہ سال کے مقابلے میں 55 فیصد زیادہ ہے۔
