کولکتہ : پاسپورٹ دستاویز کے مطابق مدھیامک پاس نہیں ہے اس کے باوجود پرائمری اسکول میں ٹیچر کے طور پر نوکری کررہا ہے ۔اس کے ساتھ ہی بھاٹ پارہ میونسپلٹی کے وائس چیر مین کے عہدہ پر فائز بھی ہے ۔تعجب خیز بات ہ ہے کہ پرائمری اسکول ٹیچر کے طور پر تنخواہ ملنے کے باوجود وہ میونسپلٹی کے وائس چیئرمین کی حیثیت سے بھی تنخواہ بھی لے رہے تھے ۔ترنمول کانگریس کے زیر انتظام بھاٹ پارہ میونسپلٹی کے وائس چیر مین دیب جیوتی گھوش ان الزاموں کی زد میں ہے ۔ جسٹس ابھیجیت گنگوپادھیائے نے ترنمول کے وائس چیئرمین کو کوئینا ڈے نامی امیدوار کی طرف سے دائر مقدمہ میں کلکتہ ہائی کورٹ میں ذاتی طور پر حاضر ہونے کا حکم دیا۔ جسٹس گنگوپادھیائے نے یہ بھی تبصرہ کیا کہ ترنمول کانگریس کے لیڈر کے خلاف یہ الزامات بہت سنگین ہیں۔امیدوار کوئینا ڈی نے الزام لگایا کہ اس کی قابلیت اور تربیت کے باوجود اسے نوکری نہیں ملی۔ لیکن دیب جیوتی گھوش جیسے نااہلوں کو منظم جرائم کی وجہ سے پرائمری ٹیچر کی نوکری ملی۔ تاہم یہ بھی دعویٰ کیا گیا ہے کہ دیب جیوتی گھوش کے پاسپور ٹ کے دستاویز کے مطابق وہ 8اورنویں جماعت پاس ہیں ۔شمالی 24پرگنہ کے نیلیما پرائمری اسکول میں بطور ٹیچر تقررہی ہے ۔سرکاری ملازم کے طور پر تنخواہ لینے کے باوجود، دیب جیوتی پر الزام ہے کہ وہ وائس چیئرمین کے طور پر ماہانہ 17000 روپے لیتے ہیں۔ جو کہ قوانین کے خلاف ہے ۔ جج نے کہا کہ وائس چیئرمین پر لگائے گئے الزامات انتہائی سنگین ہیں۔ان تمام الزامات کو سننے کے بعد جسٹس گنگوپادھیائے نے بھاٹپارہ میونسپلٹی کے وائس چیئرپرسن دیب جیوتی گھوش کو 16 دسمبر کو ایک بجے کلکتہ ہائی کورٹ میں اپنے کمرہ عدالت میں حاضر ہونے کا حکم دیا۔ انہوں نے بارکپور پولس کمشنریٹ کے کمشنر کو حکم پر عمل آوری کی ہدایت دی۔ جج نے یہ بھی کہا کہ عدالت میں پیش ہونے کا حکم جگتدل پولیس اسٹیشن کے ذریعے وائس چیئرمین کو پہنچایا جائے گا۔کیس کی سماعت کے دوران سی بی آئی کے وکیل نے عدالت کو بتایا کہ سی بی آئی بھرتی بدعنوانی کے معاملے میں دیب جیوتی گھوش سے پہلے ہی پوچھ گچھ کر چکی ہے ۔
