حیدرآباد۔ 18 مئی (سیاست نیوز) گلزار حوض کے قریب پیش آئے بھیانک آتشزدگی سانحہ میں 17 افراد کی موت پر سارے شہر میں غم کی لہر ہے ۔ جیولرز اینڈ صرافہ اسوسی ایشن چار کمان نے اس حادثہ پر بطور غم اور مہلوکین کو خراج پیش کرنے پیر 19 مئی کو کاروبار بند رکھنے کا فیصلہ کیا ہے ۔ لہذا پیر کو تمام دوکانیں بند رہیں گی ۔ اس کے علاوہ 19 مئی کو دوپہر 1 بجے سے دیڑھ بجے تک مہادیو مندر میں ایک تعزیتی اجلاس بھی منعقد کیا جائیگا ۔ تمام اسوسی ایشن ارکان سے خواہش کی گئی ہے کہ وہ تعزیتی اجلاس میں شرکت کریںاور مہلوکین کو خراج پیش کریں۔
