حیدرآباد 3 فروری(یواین آئی)غزہ میں صیہونی ملک اسرائیل کی سفاکیت ، مظلوم مسلمانوں پر انسانیت سوزمظالم کے خلاف اور فلسطینیوں کی حمایت میں شہر میں اتوار کو جلسہ کیاجارہا ہے جس میں چیف منسٹر ریونت ریڈی شرکت کریں گے ۔ فلسطینی عوام سے اظہاریگانگت کیلئے سی پی آئی یہ اجلاس منعقد کر رہی ہے ۔تلنگانہ سی پی آئی کے سکریٹری اور رکن اسمبلی سامبا سیواراؤ نے کہا کہ ریونت ریڈی اتوار کو 6بجے شام سندرایا وگیان کیندر میں جلسہ میں مہمان خصوصی ہونگے ۔ انہوں نے کہا کہ سی پی آئی کے قومی جنرل سکریٹری ڈی راجہ اور فلسطینی سفیر عدنان محمد جابر ابوالحیجہ بھی اس اجلاس میں شرکت کریں گے ۔ انہوں نے کہا کہ اسرائیل فلسطین میں نسل کشی کر رہا ہے اور اس تناظر میں پوری دنیا فلسطینی عوام کے ساتھ کھڑی ہے ۔
