نئی دہلی، 14 مئی (آئی اے این ایس) :آئی سی سی ویمنز ونڈے ٹیم درجہ بندی کی سالانہ اپڈیٹ کے بعد آسٹریلیا 167 ریٹنگ پوائنٹس کے ساتھ پہلے نمبر پر برقرار ہے، جو دوسرے نمبر پر موجود انگلینڈ سے 40 پوائنٹس آگے ہے۔آئی سی سی کے مطابق تازہ ترین درجہ بندی اکتوبر 2021 سے اپریل 2022 کے درمیان کھیلے گئے میچز (بشمول 2022 ویمنز ورلڈکپ) کو نکال دیا گیا ہے۔ نئے وقفہ کے مطابق مئی 2022 سے اپریل 2024 تک کے میچزکو 50 فیصد اور اس کے بعد کے میچز کو صد فیصد حساب دیا گیا ہے۔آسٹریلیا نے اس عرصے میں ہندوستان، بنگلہ دیش، انگلینڈ، ویسٹ انڈیز، نیوزی لینڈ اور جنوبی افریقہ کے خلاف شاندار فتوحات حاصل کیں۔ ہندوستان 121 پوائنٹس کے ساتھ تیسرے نمبر پر ہے اور انگلینڈ سے فاصلہ11 سے کم ہوکر 6 نشانات رہ گیا ہے۔ جنوبی افریقہ پانچویں اور ویسٹ انڈیز 72 پوائنٹس کے ساتھ نویں نمبر پر چلی گئی ہے۔ امریکہ اپنی ونڈے حیثیت کھونے کے بعد درجہ بندی کی فہرست سے باہر ہوگیا ہے جبکہ متحدہ عرب امارات اب شامل ہو گا جب وہ آٹھ ونڈے میچز کھیل لے گا۔
