وجے واڑہ(آندھراپردیش): لاک ڈاؤن کے دوران شراب کی دکانات کھلنے پر شراب پینے کے شوقین کا ہجوم جمع ہوگیا۔ حکومت نے شراب کی دکانات صبح 11 بجے تا 7 بجے شام کھلی رکھنے کی اجازت دی ہے۔ لوگ شراب حاصل کرنے کیلئے قطار میں گھنٹوں کھڑے ہیں اور اپنی باری کا انتظار کررہے ہیں۔ریاست آندھراپردیش کے تروپتی شہر میں بھی شراب کی 41 دکانات ہیں۔
ان میں سے 14 دکانات کنٹینٹمنٹ زونس میں ہیں جس کی وجہ سے انہیں کھول نے کی اجازت نہیں ملی بقیہ 27دکانات کو کھولا گیا ہے۔ بعض دکان داروں کو دکان کھولنے سے قبل دکان کے سامنے ناریل پھوڑتے ہوئے بھی دیکھا گیا۔ اسی طرح ملک کے کئی حصوں میں بھی شراب کی دکانات پر کافی بھیڑ بھاڑ نظر آئی اور سماجی فاصلہ کی مبینہ خلاف ورزی دیکھی جارہی ہے۔
سوشیل میڈیا پر ملک کے مختلف شراب خانوں کے ویڈیوز اور تصاویر نظر دیکھنے میں آئی ہیں جس میں شراب پینے کے عادی سینکڑوں کی تعداد میں نظر آئے۔