میانمار کی سابق سربراہ آنگ سانگ سوچی کے بیٹے نے کہا ہے کہ وہ اپنی ماں کی صحت کے بارے میں فکرمند ہیں۔ میانمار کی سابق سربراہ کے بیٹے نے اپنے بیان میں کہا کہ آنگ سانگ سوچی کی حالت تشویشناک ہے۔ انہوں نے کہا کہ امید ہے آنگ سانگ سوچی کی رہائی اس ماہ میانمار کے انتخابات کے دوران ہوجائے گی۔ میڈیا کے مطابق آنگ سانگ سوچی اشتعال انگیزی، بدعنوانی، انتخابی دھاندلی سمیت دیگر جرائم میں 27 سال کی سزا کاٹ رہی ہیں۔ واضح رہے کہ آنگ سانگ سوچی کو 2021 میں میانمار کی فوج نے گرفتار کیا تھا۔