منی پور گزشتہ تین ماہ سے تشدد کی آگ میں جل رہا ہے۔ منی پور کو لے کر پارلیمنٹ سے لے کر سڑک تک ہنگامہ ہوا ہے۔ اپوزیشن اس معاملے پر وزیر اعظم نریندر مودی کے بیان کا مطالبہ کرنے پر اٹل ہے۔ اس کے ساتھ ہی منی پور معاملے کو لے کر اپوزیشن اور حکمراں پارٹی کے رہنما ایک دوسرے پر الزامات اور جوابی الزامات لگا رہے ہیں۔ خواتین اور بچوں کی ترقی کی مرکزی وزیر اسمرتی ایرانی نے بدھ کو لوک سبھا میں راہل گاندھی کے بارے میں قابل اعتراض بیان دیااسمرتی نے الزام لگایا کہ راہل گاندھی نے منی پور کو آگ لگا دی تھی۔ اب راہل گاندھی نے جواب دیا ہے۔ راہل نے کہا کہ بی جے پی-آر ایس ایس کو صرف اقتدار چاہیے، وہ اقتدار کے لیے منی پور کو جلا دیں گے۔ پورے ملک کو جلا دیں گے۔
