ابو ظہبی ۔ ابوظہبی نے بیرون ممالک کے افرادکے لئے آزاد پیشوں کے لائسنس جاری کرنے کا اعلان کیا ہے۔ ریاست میں غیر ملکی 48 قسم کے کاروبارکر سکیں گے۔ اماراتی خبر رساں ادارے وام کے مطابق ابوظہبی کی حکو مت نے کہا ہے کہ یہ اقدام لیبر مارکیٹ کو زیادہ لچکدار بنانے اورخدمات کے شعبے میںکام کرنے والی کمپنیوں کے موقف کو مضبوط بنانے کی ایک کوشش ہے۔ نئے فیصلے کے بموجب غیر ملکی افراد کوکمپوٹر پروگراموں میں کنسلٹینسی، غیر منقولہ جائیداد کے کاروبار، قانونی مشاورت، تعلقات عامہ، سیاحت اور فنون جمیلہ میں کام کے لئے لائسنس جاری ہوں گے۔ ابوظہبی میں فروغ معیشت محکمے نے کہا ہے کہ لائنسس کی بدولت غیر ملکیوں کو اپنے رہائشی مرکز یا کسی بھی ایسے مقام سے جس کی اجازت دی جائے گی اپنا کاروبارکرسکیں گے۔
