نئی دہلی: کانگریس صدر ملکارجن کھرگے اور سابق صدر راہول گاندھی نے 2024-25 کے بجٹ کو ’کرسی بچانے‘ کیلئے اتحادیوں کو خوش کرنے والا بجٹ قرار دیتے ہوئے کہاکہ یہ کانگریس کے نیائے ایجنڈے کی کاپی کرنے کی ناکام کوشش کی گئی ہے ۔ کھرگے نے کہاکہ مودی حکومت کا یہ ’کاپی بجٹ‘ کانگریس کے انصاف کے ایجنڈے کو بھی صحیح طریقے سے نقل نہیں کرسکا۔ مودی حکومت کا بجٹ اپنے اتحادی شراکت داروں کو دھوکہ دینے کیلئے آدھی پکی ہوئی ’ریوڑی‘ تقسیم کررہا ہے تاکہ این ڈی اے کی حکومت بچ سکے ۔ یہ ملک کی ترقی کا بجٹ نہیں ہے ، یہ مودی حکومت کو بچانے کا بجٹ ہے ۔راہول گاندھی نے کہاکہ یہ ایک ’کرسی بچانے‘ کا بجٹ ہے ۔ اتحادیوں کو خوش کریں۔ دوسری ریاستوں کی قیمت پر ان سے خالی وعدے ، اپنے دوستوں کو خوش کریں۔ اے اے کو فائدہ، عام ہندوستانیوں کو کوئی راحت نہیں۔ کاپی اور پیسٹ کریں: کانگریس کے منشور اور پچھلا بجٹ۔کانگریس کے لوک سبھا رکن ششی تھرور نے بجٹ کو مایوس کن قرار دیتے ہوئے کہاکہ حکومت نے کئی عام مسائل پر بھی توجہ نہیں دی ہے ۔ بجٹ میں منریگا، صحت وغیرہ کے حوالے سے کوئی ٹھوس انتظام نہیں کیا گیا ہے۔ پارٹی لیڈر جے رام رمیش نے بجٹ کو انتہائی مایوس کن قرار دیا اور کہاکہ اس میں دس سالہ مردم شماری کیلئے فنڈز جاری کرنے کا ذکر نہیں ہے ۔ مردم شماری2021 میں ہونی تھی لیکن ابھی تک نہیں کرائی گئی اور آزادی کے بعد یہ پہلا موقع ہے کہ مردم شماری وقت پر نہیں ہوئی۔ مردم شماری کا بروقت نہ ہونا ریاست کی انتظامی صلاحیتوں پر ایک بڑی رکاوٹ ہے اور اس کے سنگین منفی نتائج برآمد ہوتے ہیں۔ ایک وجہ سے10-12 کروڑ لوگ نیشنل فوڈ سیکورٹی ایکٹ کے دائرہ سے باہر ہوجاتے ہیں۔
