یوگی حکومت کے ذریعہ جاری کردہ گائیڈ لائن میں کہا گیا ہے کہ قربانی کا عمل عوامی مقامات پر انجام نہیں دیا جائے گا بلکہ لوگ اپنے گھروں پر یا نشان زد مقامات پر ہی جانوروں کی قربانی کریں۔کورونا بحران کے پیش نظر اتر پردیش کی یوگی حکومت نے عیدالاضحیٰ سے متعلق سخت گائیڈ لائن جاری کر دی ہیں۔ اس مرتبہ عیدالاضحیٰ پر نہ صرف گئو نسل کے ذبیحہ پر پابندی رہے گی بلکہ تہوار سے جڑے کسی بھی پروگرام میں 50 سے زائد لوگوں کی شرکت بھی ممنوع ہوگی۔ اس سلسلے میں وزیر اعلیٰ یوگی آدتیہ ناتھ نے افسران کو کووڈ ضابطوں پر سختی کے ساتھ عمل کرانے کی ہدایت کی۔