دہرادون۔ وزیر اعظم نریندر مودی ہفتہ کو اتراکھنڈ کی راجدھانی دہرادون پہنچے۔ انہوں نے 18 ہزار کروڑ کے ترقیاتی منصوبوں کا افتتاح اور سنگ بنیاد رکھا۔ انہوں نے اتراکھنڈ میں جاری سڑک کی تعمیر کے کاموں کے بارے میں بھی بات کی۔ اتراکھنڈ میں اگلے سال فروری میں ہونے والے اسمبلی انتخابات کیلئے بھارتیہ جنتا پارٹی (بی جے پی) کی مہم ہفتہ سے باقاعدہ طور پر شروع ہوگئی ہے ۔ مودی کے دورہ کو کامیاب بنانے کے لیے گڑھوال ڈویژن کے ہر اسمبلی حلقے سے کارکن جمعہ کی رات ہی سے دہرادون پہنچنا شروع ہو گئے تھے ۔ اس بار بی جے پی نے بھی 70 اسمبلی حلقوں کے ساتھ ریاست میں کئی ریکارڈ توڑنے کا نشانہ رکھا ہے ۔ پارٹی نے’اس بار 60 پار‘ کا نعرہ دیا ہے ۔ اس کے ساتھ ایک پارٹی کی جانب سے لگاتار دوسری بار حکومت بنانے کا ہدف بھی مقرر کیا ہے ۔
