تل ابیب : اسرائیل کے دارالحکومت تل ابیب میں ہزاروں افراد نے وزیر اعظم بنجامن نیتن یاہو کی معزولی اور قبل از وقت انتخابات کے مطالبے کے ساتھ احتجاجی مظاہرہ کیا ہے۔مظاہرین کا کہنا تھا کہ نیتن یاہو حکومت نے حماس کو مضبوط ہونے کا امکان فراہم کیا ہے۔ انہوں نے “ہم پر احمق حکومت کر رہے ہیں” اور “غزّہ کے اسرائیلی قیدی 92 دن سے تکلیف میں ہیں لیکن نیتان یاہو اور گانٹز کو کوئی پروا نہیں” کی تحریروں والے پلے کارڈ اٹھا رکھے تھے۔مظاہرین نے “آج اور ابھی انتخابات” کے نعرے لگائے۔مظاہرین کے ایک حصے نے غزّہ پر حملوں کی حمایت کی اور نیتان یاہو کو حماس کے مقابل ناکام قرار دیا ہے۔دوسری طرف اسرائیلی حکومت کو غزّہ میں قتل عام کا قصوروار ٹھہرانے والے یہودی ایکٹیوسٹوں نے بھی القدس میں وزیر اعظم نیتان یاہو کی رہائش گاہ اور تل ابیب میں وزارت دفاع کے سامنے الگ الگ احتجاجی مظاہرے کئے ہیں۔مظاہرین نے” غزّہ میں نسل کشی بند کرو” کی تحریروں والے پلے کارڈ اٹھا رکھے تھے۔مظاہرین نے جنگ کے خلاف نعرے لگائیا ور فائر بندی کی اپیل کی۔
