ماسکو : 11 ستمبر ( یو این آئی ) روسی وزیر خارجہ سرگئی لاورف کا کہنا ہیکہ اسرائیل اپنی جارحانہ کارروائیوں سے مشرق وسطیٰ کو تباہ کرنیکی کوشش کر رہا ہے۔اقوام متحدہ جنرل اسمبلی سے خطاب میں روسی وزیر خارجہ کا کہنا تھا کہ اسرائیل فلسطینیوں کے خلاف غیرقانونی طاقت کا استعمال کر رہا ہے اور ایران، قطر، لبنان، شام، یمن اور عراق میں جارحیت کر رہا ہے۔ روسی وزیر خارجہ کا کہنا تھا کہ مغربی ممالک کی جانب سے ایران کے اوپر پابندیاں دوبارہ لگوانے کی کوششیں غیرقانونی ہیں۔ہندو ستان سے تجارت کے حوالے سے سرگئی لاوروف کا کہنا تھا کہ روس اورہند وستان کے درمیان اقتصادی شراکت داری کو کوئی خطرہ نہیں ہے۔ان کا کہنا تھا کہ روس پر نیٹو اور یورپی ممالک کے خلاف کارروائی کا منصوبہ بنانے کا الزام غلط ہے، صدرپوٹن بھی اس کی تردید کرچکے ہیں۔روسی وزیر خارجہ نے خبردار کیا کہ روس کے خلاف کسی بھی کارروائی کا فیصلہ کْن جواب دیا جائے گا، روس یوکرین تنازع کی دیانت دارانہ امن بات چیت کے لیے تیار ہے۔
