غزہ، 15 نومبر (یو این آئی) غزہ کی وزارتِ صحت کا کہنا ہے کہ اسرائیل نے مزید 15 فلسطینی شہدا کی نعشیں واپس کردی ہیں۔ وزراتِ صحت نے بتایا کہ اسرائیل نے گزشتہ روز بین الاقوامی کمیٹی آف ریڈ کراس کے ذریعے شہدا کی نعشیں واپس کیں جس کے بعد موصول ہونے والی شہدا کی نعشوں کی مجموعی تعداد 330 ہوگئی ہے جن میں سے صرف 97 شہدا کی شناخت ممکن ہوسکی ہے ۔ دوسری جانب غزہ میں شدید بارشوں کے بعد بے گھر فلسطینی کے لیے قائم عارضی کیمپوں میں پانی بھرنے سے مقامی افراد کو شدید مشکلات کا سامنا ہے۔
