نیویارک :اسرائیل کیخلاف جنوبی افریقہ کے عالمی عدالت انصاف میں جانے کے معاملے کو دنیا بھر سے حمایت حاصل ہونے لگی۔غیرملکی میڈیا کے مطابق اس حوالے سے ایک برطانوی ویب سائٹ پر 3 لاکھ 20 ہزار سے زائد افراد نے دستخط کیے۔رپورٹس کے مطابق اس مہم کے منتظمین کا کہنا ہے کہ امید ہے کہ اس سے غزہ کے لوگوں کی مشکلات ختم ہو جائیں گی۔اس مہم میں جنوبی افریقہ کے کیس کے ساتھ یکجہتی کا اظہار بھی کیا گیا ہے۔عرب میڈیا کے مطابق اسرائیل کے خلاف عالمی عدالت انصاف میں غزہ نسل کشی کیس کی حمایت کرنے والے ممالک میں پاکستان بھی شامل ہے۔مالدیپ اور نمیبیا نے بھی آئی سی جے میں اسرائیل کے خلاف مقدمے کی حمایت کی ہے۔ فلسطینیوں کی نسل کشی اور اسرائیلی جنگی جرائم کے ثبوت کیلئے ڈیجیٹل پلیٹ فارم کھول دیا گیا۔ عالمی عدالت انصاف میں جنوبی افریقہ کی اسرائیل کیخلاف درخواست پر آئی سی جے راسیکیوٹر آفس نے عوامی شکایات کیلئے ڈیجیٹل پلیٹ فارم کھول دیا۔ عرب میڈیا کے مطابق غزہ میں اسرائیل کے جنگی جرائم کے ثبوت آن لائن جمع کرائے جا سکتے ہیں۔
عرب میڈیا کے مطابق دنیا بھر کے 800 سے زیادہ دانشوروں اور بین الاقوامی ماہرین قانون نے اس درخواست کی حمایت کی ہے۔ عرب میڈیا کا کہنا ہے کہ درخواست غزہ میں اسرائیل کی جانب سے فلسطینیوں کی نسل کشی کے خلاف دائر کی گئی ہے۔
