کابل: افغانستان کی فوج نے صوبہ قندھار میں معروف ضلع پر طالبان جنگجووں کے قبضہ کرنے کے منصوبوں اور حملے کو ناکام بناتے ہوئے 27 جنگجووں کو ہلاک کردیا۔ صوبائی پولس کے ترجمان جمال بارک زئی نے جمعہ کے روز یہ اطلاع دی۔ ٹولو نیوز کی رپورٹ کے مطابق اس کارروائی کے دوران دو پولس اہلکاروں کی موت بھی ہوگئی۔ حکام کے مطابق جنگجووں نے جمعرات رات تغاری علاقہ میں سیکورٹی چوکی پر حملہ کیا۔ چوکی پر موجود پولس جوانوں نے بھی گولیاں چلائی اور دونوں کے مابین زبردست تصادم شروع ہوگیا۔ اس دوران فوج نے جنگی طیاروں سے حملے کئے جس سے 27 جنگجووں کی موقع پر ہی موت ہوگئی۔ انہوں نے بتایاکہ چھ پولس اہلکاروں سمیت دس سے زائد افراد زخمی ہوگئے ہیں۔
