ریاض ۔ سعودی محکمہ پاسپورٹ نے کہا ہے کہ قانونی طور پر مقیم بیرونی ممالک کے افراد کا اقامہ ختم ہونے پر بھی اپنے رشتہ دار کے وزٹ ویزے میں توسیع کرواسکتا ہے۔اقامے کا ختم ہونا رشتہ دار کے وزٹ ویزے میں توسیع میں حائل نہیں ہوگا۔ ویب سائٹ کے مطابق محکمہ پاسپورٹ سے ایک مقیم بیرونی ملک کے باشندے نے دریافت کیا تھا کہ ان کا اقامہ ختم ہوگیا ہے کیا وہ ابشر سے اپنے مہمان کے وزٹ ویزے میں توسیع کرا سکتے ہیں؟محکمہ پاسپورٹ نے ٹوئٹر پر جواب دیتے ہوئے کہا کہ مقیم غیرملکی اقامہ ختم ہونے پر اپنے کسی عزیز کے وزٹ ویزے میں توسیع کرواسکتا ہے۔اقامہ ختم ہونے سے یہ سہولت ختم نہیں ہوگی۔محکمہ پاسپورٹ نے مزید کہا کہ مقیم غیرملکی کی سعودی عرب واپسی کی شرط یہ ہے کہ ویزا (خروج وعودہ) موثرہو۔ اقامے کی میعاد ختم نہ ہوئی ہواور پی سی آر سعودی عرب میں رجسٹرڈ ادارے سے حاصل کیے ہوئے ہو۔اس اعلان کے بعد عوام کو راحت ملی ہے۔
