ابوظہبی ۔ ابوظبی میڈیا بیوروکے مطابق متحدہ عرب امارات میں ہنگامی حالات اور بحرانات سے نمٹنے کی انتظامی کمیٹی اس وقت مقامی اداراوں کے ساتھ کام کر رہی ہے تا کہ آئندہ دو ہفتوں کے دوران تمام تر اقتصادی، سیاحتی، ثقافتی اور تفریحی سرگرمیاں بحال ہو جائیں۔میڈیا بیورو نے ٹویٹر پر مزیدکہا کہ یہ فیصلہ کرونا وائرس کے پھیلاؤ پر روک کے لئے گئے احتیاطی اقدامات کے کامیاب نفاذ اورمتاثرین کی کم ترین تعداد برقرار رکھنے کے بعد سامنے آیا ہے۔تمام سرگرمیوں کی بحالی حفاظتی تدابیر اوراحتیاطی اقدامات کی روشنی میں عمل میں آئے گی۔
