ابوظہبی : متحدہ عرب امارات میں فیول پرائس کمیٹی نے مارچ کے لیے پٹرولیم مصنوعات کی قیمتوں کا اعلان کردیا ہے۔بین الاقوامی خبر رساں ادارے کی رپورٹ کے مطابق پٹرولیم مصنوعات کے نئے نرخوں پرعمل درآمد جمعہ یکم مارچ سے ہوگیا ہے۔ پٹرول سپر 98 کی قیمت میں 15 فلس کا اضافہ کیا گیا ہے، جس کے بعد نئی قیمت 3.03 درہم ہوگئی ہے۔ پٹرول کے نرخوں میں 15 سے 16 فلس جبکہ ڈیزل کے نرخ میں 17 فلس کا اضافہ کیا گیا ہے جس میں 5 فیصد ویلیو ایڈڈ ٹیکس بھی شامل ہے۔ای پلس 91 پٹرول کے نرخ 2.69 درہم سے بڑھا کر 2.85 درہم کردیئے گئے ہیں، جبکہ پٹرول خصوصی 95 کی قیمت میں 16 فلس کا اضافہ کیا گیا ہے جس کے بعد نئے نرخ 2.92 درہم ہوگئے ہیں۔ گزشتہ ماہ فروری کی اگر بات کی جائے تو فی لیٹرڈیزل 2.99 درہم میں فروخت ہوتا تھا جس میں 17 فلس کا اضافہ کیا گیا ہے جس کے بعد نئے نرخ 3.16 درہم ہو گئے ہیں۔
