ابوظہبی۔ 23 اگست (ایجنسیز) امارات نے غزہ کے لیے امداد کا 77 واں فضائی آپریشن کامیابی سے مکمل کر لیا ہے۔ عرب نیوز ایجنسی کے مطابق متحدہ عرب امارات نے غزہ کے لیے امداد کا 77 واں ائر ڈراپ آپریشن بھی کامیابی سے ہمکنار ہوگیا۔ میڈیا کی رپورٹ کے مطابق مذکورہ کارروائی اردن کی شراکت سے انجام دی گئی جبکہ جرمنی، فرانس، ہالینڈ، سنگاپور اور انڈونیشیا بھی اس مشن کی کامیابی میںمیں شامل تھے۔ واضح رہے کہ امارات کی طرف سے بھیجی گئی امدادی کھیپ میں بنیادی غذائی اشیاشامل تھیں، جنہیں اماراتی فلاحی اداروں کے تعاون سے تیار کیا گیا تھا۔ ان امدادی اشیاکا مقصد غزہ کے عوام کی ضروریات پوری کرنا ہے جو اس وقت اسرائیل مظالم کا شکار ہیں۔ یہ بات بھی علم میں رہے کہ امارات کی اس فضائی کارروائی کے ذریعہ اب تک مجموعی طور پر 4 ہزار 28 ٹن سے زائد امدادی سامان فضائی راستے سے غزہ پہنچایا جاچکا ہے جس میں خوراک اور اشیائے ضرورت شامل ہیں۔
