جالندھر: بارڈر سیکورٹی فورس (بی ایس ایف) نے ہفتہ کو امرتسر میں بین الاقوامی سرحد کے قریب پاک ڈرون سے گرائے گئے منشیات کی ایک کھیپ کو ضبط کرتے ہوئے منشیات کی اسمگلنگ کی کوشش کو ناکام بنا دیا۔ بی ایس ایف کے تعلقات عامہ کے افسر نے اتوار کو بتایا کہ ہفتہ کی رات تقریباً 8.30 بجے سرحد پر تعینات بارڈر سیکورٹی فورس کے اہلکاروں نے ضلع امرتسر کے گاؤں دھنو کلاں کے قریب علاقے میں پاکستان سے ہندوستانی علاقے میں داخل ہونے والی والے مشتبہ ڈرون کی اواز سنی ، جس پر فوجیوں نے فوری طور پر ر کارروائی کی۔ فوجیوں نے دھنوئے کلاں گاؤں کے مضافات میں گندم کے کھیتوں میں ڈرون اور کسی چیز کے گرنے کی آواز بھی سنی۔ اہلکار نے بتایا کہ علاقے کی ابتدائی تلاشی کے دوران، بی ایس ایف کے اہلکاروں نے دھنوئے کلاں گاؤں کے گندم کے کھیت سے ہیروئن کے تین پیکٹوں پر مشتمل ایک بڑا بیگ برآمد کیا جس میں کل تین کلو وزن تھا۔ سامان کے ساتھ لوہے کی ایک انگوٹھی اور چار چمکدار پٹیاں بھی ملی ہیں۔
