واشنگٹن : امریکی حکومت کے اعداد و شمارکے مطابق امریکہ میں خودکشی کے نتیجہ میں مرنے والوں کی تعداد 2022 میں غیر معمولی سطح پر پہنچ گئی۔ جاری کردہ اعدادو شمار کے مطابق پچھلے سال امریکہ میں 49,000 سے زیادہ لوگوں نے خود کشی کی جو کہ گذشتہ سے پیوستہ سال کی نسبت خود کشیوں کی تعداد میں 2.6 فیصد زیادہ ہے۔بیماریوں کے کنٹرول اور روک تھام کے مراکز کے اعداد و شمار کے مطابق سال 2022ء میں ریاست ہائے متحدہ امریکہ میں ہونے والی تمام خودکشیوں میں سے نصف سے زیادہ آتشیں اسلحہ سے کی گئیں۔امریکی وزیر صحت جیویر بیسیرا نے ایک بیان میں کہا کہ “10 میں سے نو امریکیوں کا خیال ہے کہ امریکہ ذہنی صحت کے بحران کا سامنا کر رہا ہے جس کی وجہ سے خود کشیوں میں اضافہ ہوا۔
