واشنگٹن۔ امر یکہ میں اسکول کھولنے کے معاملہ پر ٹرمپ انتظامیہ نئے تنازعہ کا شکار ہو گئی۔اسکول کھولنے سے متعلق امریکی سینٹر فار ڈیزیز کنٹرول (سی ڈی سی) نے صدر ٹرمپ کا حکم نامہ ماننے سے انکار کر دیا ہے ۔صدر ٹرمپ نے ٹوئٹ کیا تھا کہ اسکول کھولنے کے لئے بنائی جانے والی گائیڈ لائنز ‘بہت سخت’ اور‘مہنگی’ ہیں۔ایک اور ٹوئٹ میں ا نہوں نے دھمکی دی کہ اگر اسکول کھولے جانے کیخلاف مزاحمت کی گئی تو اسکول فنڈنگ بند کر دی جائے گی، حالانکہ ایسا کرنے کیلئے وفاقی حکومت کا اختیار محدود ہے ۔امریکی صدر نے سی ڈی سی کو نئی گائیڈ لائنز تیار کرنے کا حکم نامہ بھی جاری کیا، تاہم سی ڈی سی کے سربراہ ڈاکٹر رابرٹ ریڈ فیلڈ نے دو ٹوک الفاظ میں کہا ہیکہ اسکول کھولنے کیلئے دی گئی گائیڈ لائنز تبدیل نہیں کر سکتے۔
