واشنگٹن،11اپریل ( سیات ڈاٹ کام) امریکی ریاست کیلیفورنیا میں مفت راشن بانٹنے والے اسٹور کے سامنے گاڑیوں اور لوگوں کی لمبی قطار لگ گئی ہیں۔لاس اینجلس میں ایک فوڈ اسٹور نے ضرورت مندوں کے لئے اشیائے خور و نوش کے پیکٹ تقسیم کئے ۔مفت راشن لینے کے لئے اسٹور کے باہر ڈیڑھ کلومیٹر تک گاڑیوں کی طویل قطار لگ گئی، بارش کے باوجود راشن لینے کے لیے لوگوں کی بڑی تعداد لائن میں لگی رہی۔کوروناوائرس کے باعث امریکہ میں بے روزگاری کی شرح میں خطرناک حد تک اضافہ ہوا ہے ۔ ایک اندازے کے مطابق ہر دس میں سے ایک امریکی بیروزگار ہوگیا ہے ۔امریکہ کورونا وائرس سے سب سے زیادہ متاثرہ ملک ہے جہاں 33 ہزار نئے مریضوں کے ساتھ مجموعی تعداد 5 لاکھ 2 ہزار 876 جبکہ ہلاکتوں کی تعداد 18 ہزار 747 سے زائد ہوچکی ہیں۔امریکہ اور یوروپی ممالک اس وبا ء سے شدید طور پر متاثر ہوئے ہیں ۔
