ہونولولو : امریکہ کی ریاست ہوائی سے منسلک ماوئی جزیرے میں لگنے والی آگ سے 6 افراد کے جان بحق ہونے کی اطلاع ملی ہے۔حکام کے مطابق ریسکیوکام جاری ہے اور کوسٹ گارڈ کی ٹیموں نے آگ کے شعلوں سے بچنے کے لیے پانی میں چھلانگ لگا نے والے 2بچوں سمیت 14 افراد کو بچا لیا ہے۔ماوئی کے میئر رچرڈ بسن جونیئر نے ایک پریس کانفرنس میں کہا کہ آگ لگنے سے بہت سے گھر اور کاروبار مکمل طور پر تباہ ہو گئے اور بندرگاہ میں کشتیوں کو نمایاں طور پر نقصان پہنچا ہے ۔انہوں نے کہا کہ ماوئی میں ہونے والے نقصان کی صحیح حد کا تعین کرنا ابھی بھی مشکل ہے اور وہ ہلاک ہونے والے افراد کی تعداد میں اجافہ ہونے کا خدشہ ظاہر کیا ہے۔ریاست کے امریکی سینیٹرز میں سے برائن شیٹز نے بھی سوشل میڈیا پر کہا کہ آگ کی وجہ سے ہونے والی زیادہ تر تباہی تاریخی قصبے لہینا میں ہوئی اور یہ قصبہ تقریباً مکمل طور پر جل کر خاکستر ہوگیا ہے۔
