کابل ؍ واشنگٹن : امریکی سینیٹ میں افغانستان اور اس کے حمایتوں پر پابندیوں سے متعلق پیش کیے گئے بل پر طالبان حکومت نے شدید ردعمل کا اظہار کیا ہے۔افغان وزارت داخلہ کے حکام کی جانب سے جاری بیان میں کہا گیا ہیکہ امارت اسلامی پر پابندیاں امریکہ کی افغانستان میں فیل ہونے والی پالیسیوں کو دہرائیں گے افغان وزارت داخلہ کے پریس ڈائریکٹر قاری سید خوستی نے امریکی سینیٹ میں پیش بل پر اپنے ردعمل میں کہا کہ امریکہ کو افغانستان میں 20 سال تک طاقت کے استعمال سے سبق سیکھنا چاہیے کہ اس دوران انہوں نے طاقت کے استعمال سے کچھ بھی حاصل نہیں کیا۔ قاری سید خوستی کا کہنا تھا کہ امارت اسلامی افغانستان امریکہ سمیت تمام ممالک کیساتھ دو طرفہ تعاون پر مبنی اچھے تعلقات چاہتا ہے۔
یاد رہیکہ امریکی سینیٹ میں پیش کیے گئے بل میں پاکستان کے کردار سے متعلق بیان پر ترجمان دفتر خارجہ واضح کر چکا ہیکہ بل میں پاکستان کا کردار بلا جواز اور افغانستان کے حوالے سے 2001 سے جاری پاک امریکہ تعاون کی روح کے منافی تصور ہے۔
