لکھنؤ: سماج وادی پارٹی کے قومی صدر اکھلیش یادو نے اتر پردیش میں امن و امان کے لیے 2022 کے اسمبلی انتخابات میں اقتدار کی تبدیلی کا دعویٰ کرتے ہوئے بدھ کو کہا کہ آئندہ انتخابات میں بھارتیہ جنتا پارٹی کا پوری ریاست میں صفایا ہو جائے گا۔ اکھلیش نے ایک بار پھر کہا کہ ایکسپریس وے ایس پی حکومت کا تحفہ ہے، لیکن موجودہ حکومت میں ایکسپریس وے کی ترقی آدھی ادھوری رہ گئی ہے۔ انہوں نے دعویٰ کیا کہ پچھلی ایس پی حکومت نے بازار سمیت تمام سرکاری سہولیات کا انفراسٹرکچر تیار کیا تھا جو مکمل نہیں ہوسکا۔
