حیدرآباد۔ 31اگست ( یواین آئی ) سپریم کورٹ کے سابق چیف جسٹس این وی رمنا نے کہا کہ امن کا ایک لفظ ہزار بے فیض الفاظ سے بہتر ہے ،ایک ثالثی جو تمام فریقوں کو ذہنی سکون فراہم کرے ہزار تنازعات سے بہتر ہے ۔انہوں نے سنگاپور انٹرنیشنل میڈیشن سنٹرکے زیراہتمام کانفرنس سے خطاب میں کہا کہ ہندوستانی کارپوریٹس پوری دنیا میں سرمایہ کاری کر رہے ہیں ۔ جب معیشت پھیلتی ہے تو تنازعات ہوتے ہیں۔انہوں نے کہا کہ حیدرآباد میں بین الاقوامی ثالثی مرکز سے کئی تنازعات حل ہو گئے ہیں۔اس موقع پر سنگاپور اور حیدرآباد ثالثی مراکز کے درمیان یادداشت مفاہمت پر دستخط کئے گئے ۔جسٹس رمنا، سنگاپور سنٹرکے چیئرمین جارج لم اور حیدرآباد سنٹر بورڈ ممبر کی موجودگی میں جسٹس ایل ناگیشور راؤ نے ان دستاویزات کا تبادلہ کیا۔
