جموں: جموں و کشمیر بی جے پی یونٹ کے صدر ست شرما نے جمعے کے روز بتایا کہ مرکزی وزیر داخلہ امیت شاہ 6 اپریل کو تین روزہ دورے پر جموں و کشمیر وارد ہو رہے ہیں۔انہوں نے کہا کہ دورے کے دوران وزیر داخلہ جموں و کشمیر کی سیکورٹی صورتحال کا جائزہ لیں گے ۔یہ باتیں ست شرما نے جموں میں منعقدہ ایک پریس کانفرنس کے دوران کہیں۔انہوں نے کہاکہ وزیر داخلہ امیت شاہ چھ اپریل کو جموں وارد ہونگے اور یہاں پر سیکورٹی صورتحال کا ایک اعلیٰ سطحی میٹنگ کے دوران جائزہ لیں گے ۔ست شرما نے کہاکہ وزیر داخلہ کے جموں وکشمیر دورے کے پیش نظر بی جے پی نے تمام تیاریوں کو آخری شکل دی ہے ۔
