جموں: مرکزی وزیر داخلہ امیت شاہ کے دورہ جموں کے پیش نظر جموں و کشمیربی جے پی یونٹ تیاریوں کو حتمی شکل دینے میں مصروف ہے ۔بتادیں کہ مرکزی وزیر داخلہ 23 جون کو شیاما پرساد مکھرجی کی برسی پربھگوتی نگر کے جے ڈی اے گرائونڈ میں ایک عظیم الشان ریالی سے خطاب کریں گے ۔اس سلسلے میں جموں وکشمیر بی جے پی یونٹ کے نائب صدر یودھویر سیٹھی نے پارٹی کے دیگر لیڈروں کے ہمراہ جی ڈی اے گرائونڈ کا دورہ کرکے وہاں کی جا رہی تیاریوں کو جائزہ لیا۔اس دوران ان کا کہنا تھا کہ جموں میں منعقد ہونے والی یہ بڑی ریالی جس میں مرکزی وزیر داخلہ شرکت کر رہے ہیں،ریاست جموں و کشمیر بی جے پی کیلئے انتہائی اہمیت کی حامل ہے ۔
