سری نگر: جنوبی کشمیر کے ضلع اننت ناگ میں جمعے کے روز نامعلوم اسلحہ برداروں نے ڈسٹرکٹ ڈیولپمنٹ کونسل کے انتخابات کے ایک امیدوار کو گولیاں کا نشانہ بنا کر زخمی کر دیا۔سرکاری ذرائع نے بتایا کہ ضلع اننت ناگ کے ساگام علاقے میں جمعے کے روز نامعلوم بندوق برداروں نے ککر ناگ بلاک کے ڈی ڈی سی انتخابات کے ایک امیدوار کو گولیوں کا نشانہ بنایا جس سے وہ زخمی ہوگئے ۔مضروب امیدوار کی شناخت انیس احمد کے بطور ہوئی ہے جو جموں و کشمیر اپنی پارٹی سے وابستہ ہیں۔انہوں نے بتایا کہ موصوف امیدوار کو علاج و معالجے کے لئے فوری طور سب ضلع ہسپتال ککر ناگ منتقل کیا گیا ہے ۔
