ممبئی۔ ہندوستان کی سابق عالمی نمبرایک کھلاڑی سائنا نہوال جو اوبرکپ میں ایکشن سے باہر رہیں اور تھائی لینڈ اوپن میں جلد ہی شکست کھائی تھی، انڈونیشیا ماسٹرز کے ساتھ سرکٹ میں واپس آئیں گی، جو بی ڈبلیو ایف پر ایک سوپر 500 ایونٹ ہے۔ اور یہ ورلڈ ٹورایونٹ 7 سے 12 جون تک جکارتہ میں منعقد ہوگا۔ سائن جنہیں اوبرکپ اسکواڈ میں شامل نہیں کیا گیا تھا کیونکہ انہوں نے اپریل میں بیڈمنٹن اسوسی ایشن آف انڈیا (بی اے آئی ) کی طرف سے منعقد کیے گئے ٹرائلز میں حصہ نہیں لیا تھا، وہ پہلے راؤنڈ میں ڈنمارک کی لائن کے خلاف انڈونیشیا ماسٹرز مہم کا آغاز کریں گی۔ سائنا دنیا میں 23 ویں نمبر پر ہیں جبکہ ان کی ڈنمارک کی حریف 33 ویں نمبر پر ہیں۔ اگر وہ اس حریف کو پہلے راؤنڈ میں ہرانے میں کامیاب ہو جاتی ہیں تو سائنا کا مقابلہ پرانی حریف اور 2016 کی اولمپک گولڈ میڈلسٹ اسپین کی کیرولینا مارین سے ہوگا۔ مارن جو کہ تیسری سیڈ ہے، انڈونیشیا ماسٹرز میں کوالیفائر کے خلاف اپنی مہم شروع کر رہی ہے۔ پی وی سندھو 360,000 امریکی ڈالرس انعامی رقم کے اس ایونٹ کا مین ڈرا کرنے والی دوسری ہندوستانی بھی اپنی مہم کا آغاز ڈنمارک کی کھلاڑی لائن کرسٹوفرسن کے خلاف کریں گی۔ چوتھی سیڈ والی سندھو تھائی لینڈ اوپن کے سیمی فائنل میں پہنچی تھی تاہم وہاں انہیں چین کی یو فی چن کے خلاف شکست برداشت کرنی پڑی۔یاد رہے کہ اس وقت سندھو اور نہوال بہتر فام میں نہیں ہیں ۔ مردوں کے سنگلز میں چار ہندوستانی لکشیا سین، ایچ ایس پرنائے، سمیر ورما اور پروپلی کشیپ نے مین ڈرا میں جگہ بنائی ہے۔ لکشیا ورلڈ چمپئن شپ میں برونز میڈل جیتنے والے، جنہوں نے ہندوستان کو تھامس کپ میں تاریخی خطاب جیتنے میں مدد کی تھی، ڈنمارک کے ہنس کرسٹیان سولبرگ وِٹنگس کے خلاف اپنی مہم کا آغاز کریں گے۔ پرنائے تھامس کپ جیتنے والی ٹیم کے ایک اور اہم رکن ہیں وہ راسمس گیمکے کے ساتھ پہلے راؤنڈ کے تصادم سے ایونٹ کا آغازکریں گے، جس کھلاڑی کو اس نے تیسرے سنگلز میچ میں شکست دی تھی کیونکہ ہندوستان نے تھامس کپ کے سیمی فائنل میں ڈنمارک کو 3-2 سے شکست دی تھی۔ اگر وہ اپنے ابتدائی میچ جیت جاتے ہیں تو پرنائے اور لکشیا کوارٹر فائنل میں جگہ کا فیصلہ کرنے کے لیے ٹکرائیں گے۔ کشیپ ڈرا کے ٹاپ ہاف میں ہیں اور اپنی مہم کا آغاز چینی تائپے کے وانگ زو وی کے خلاف کریں گے۔ اگر وہ یہ مقابلہ جیت جاتے ہیں تو وہ دوسرے راؤنڈ میں عالمی نمبرایک اور اولمپک چمپئن وکٹر ایکسلسن سے مقابلہ متوقع ہے۔
