جموں: جموں و کشمیر کے ضلع اودھم پور کے باتل علاقہ میں دوران شب آگ کی ایک واردات میں ایک کیمیکل فیکٹری خاکستر ہوگئی تاہم اس واردات میں کوئی جانی نقصان نہیں ہوا ہے ۔ذرائع نے بتایا کہ ضلع اودھم پور کے باتل علاقے میں ‘دھنوکہ کیمیکل فیکٹری’، جو سی آر پی ایف کی 187 بٹالین کے کیمپ کے متصل قائم ہے ، میں جمعرات اور جمعہ کی درمیانی شب آگ نمودار ہوئی جس کے شعلوں نے چشم زدن میں پوری عمارت کو اپنی لپیٹ میں لے لیا۔انہوں نے بتایا کہ فائر ٹنڈرس کے پہنچنے سے قبل فیکٹری خاکستر ہوئی تھی۔
