جی ایچ ایم سی سے 311 کروڑ روپئے کے مصارف سے دو فلائی اوورس تعمیر کرنے کا منصوبہ ، حکومت کی منظوری
حیدرآباد ۔ 8 ۔ اکٹوبر : ( سیاست نیوز ) : جی ایچ ایم سی کی جانب سے شہر حیدرآباد کے اپل جنکشن کو ٹریفک فری جنکشن میں تبدیل کرنے کے لیے خصوصی منصوبہ بندی تیار کیا ہے ۔ 311 کروڑ روپئے کے مصارف سے دو فلائی اوورس تعمیر کرنے کی تجویز تیار کی ہے ۔ نیشنل ہائی ویز اتھاریٹی آف انڈیا کی جانب سے اپل جنکشن سے 6.5 کیلو میٹر طویل 6 لائن چوڑی ایلیوٹیڈ کوریڈور تعمیر کیا جارہا ہے ۔ یہ کاریڈور جنکشن سے 300 میٹر کے فاصلے پر رکتا ہے ۔ جی ایچ ایم سی کی جانب سے تیار کردہ تجاویز کو حکومت نے حال ہی میں انتظامی منظوری دے دی ہے ۔ عہدیداروں نے بتایا کہ بہت جلد کام شروع ہوجائے گا اور اندرون 2 سال مکمل ہوجائے گا ۔ اپل شہر حیدرآباد کا مصروف ترین علاقہ ہے جہاں ہمیشہ ٹریفک مسائل رہتے ہیں ۔ اب یہ جنکشن ٹریفک فری جنکشن میں تبدیل ہونے جارہا ہے ۔ جس سے عوام کو بہت بڑی راحت ہوگی ۔ اسی سلسلہ میں جی ایچ ایم سی نے اپل میں تعمیر کئے جانے والے بڑے فلائی اوور کی تعمیری ڈیزائن میں ترمیم کرنے کی ( این ایچ اے آئی ) سے اپیل کی ہے ۔ جی ایچ ایم سی کی جانب سے دو فلائی اوورس تعمیر کئے جارہے ہیں جو میٹرو ریل سے تقریبا 20 فیٹ اونچائی پر یہ فلائی اوورس تعمیر کئے جارہے ہیں ۔ ایچ ایم ڈی اے کی جانب سے پیدل راہروں کی سہولت کے لیے جنکشن پر ایک انڈر پاس تعمیر کیا جارہا ہے ۔ یہ اسکائی وے ایک دائرے میں اطراف و اکناف کی چار سڑکوں کو جوڑنے میں مددگار ثابت ہوگا ۔ یہ میٹرو لائن کی راہ کے زیریں حصہ میں تعمیر کیا جارہا ہے ۔ ایک اور فلائی اوور سکندرآباد تا ناگول لنک میٹرو ریل کی بلندی پر تعمیر کیا جائے گا ۔ دونوں طرف کے فلائی اوورس چوراہے پر سگنل فری ہوں گے ۔ ورنگل سے ناراپلی ۔ اپل ایلیوٹیڈ کاریڈار سے شہر میں داخل ہونے والے کرکٹ اسٹیڈیم سے سکندرآباد کی طرف آسانی سے روانہ ہوسکتے ہیں ۔ سکندرآباد سے ناگول جانے والے بھی بغیر کسی رکاوٹ کے آسانی سے سفر کرسکتے ہیں ۔۔ ن
