گوہاٹی : آسام اسمبلی کے تین روزہ بجٹ اجلاس کے پہلے روز گورنر کے خطاب کے دوران جمعرات کو اپوزیشن نے ایوان کی کارروائی میں نہ صرف خلل پیداکیا بلکہ زبردست ہنگامہ کیا۔گورنر جگدیش مکھی نے اپنے خطاب میں جیسے ہی اس بات کا ذکر کیا کہ حکومت کی جانب سے ریاست کو بدعنوانی سے پاک کرنے کے لئے کئی بے مثال اقدامات کئے گئے ہیں ویسے ہی کانگریس اور آل نڈیا یونائیٹڈ ڈیموکریٹک فرنٹ (اے آئی یوڈی ایف) کے ممبر کھڑے ہوگئے اور اس پر اپنا احتجاج ظاہر کرنے لگے ۔ اس کے بعد اپوزیشن ممبران ایوان کے درمیان آگئے اور تختیاں لہراکر نعرے بازی شروع کردی۔اس درمیان اپوزیشن ممبران کے ہنگامہ کے سبب گورنر کے خطاب کو بیچ میں ہی ختم کرنا پڑااور ان کے خطاب کوپڑھالیا مان لیا گیا۔
