ایشوریہ رائے کے ہاتھ سے کئی فلمیں چھوٹ رہی ہیں
عالمی حسینہ کا خطاب اپنے نام کرنے والی ایشوریہ رائے بچن نے منی رتنم کی ایروور سے ایکٹنگ کی دنیا میں قدم رکھا اس کے بعد جس طرح سے انہوں نے بالی ووڈ میں ایک ایکٹریس کے روپ میں لمبی پاری کھیلی اسے یہاں دہرانے کی ضرورت نہیں ہے۔ پہلے شادی اور ماں بننے کے کچھ عرصہ بعد تک وہ فلموں سے دور رہیں واپسی کے دوران ان کی فلموں نے ٹھیک ٹھاک مظاہرہ کیا ایک فنکار کے لئے اسٹارڈم کی ریس میں بننے رہنے کے لئے لگاتار فلمیں کرنے کی ضرورت ہوتی ہے۔ ایشوریہ کو بھی ریس میں بنے رہنے کے لئے اچھی فلموں کی سخت ضرورت ہے۔ واپسی کے دور میں اب تک انہوں نے خود کو ٹھیک طرح سے ثابت نہیں کیا ہے، لیکن انہیں جن فلموں کے آفر مل رہے ہیں۔ ان میں وہ ان کے مقابل ابھیشیک بچن کو لینے کی ضد پر اڑی رہیں۔ حقیقت یہ ہے کہ فلاپ ابھیشیک میں اب کسی میکر کی دلچسپی نہیں ہے۔ ایشوریہ کو لے کر رات اور دن اور وہ کون تھی کے ریمیک بنانے کی بات سامنے آئی تھی لیکن ایشوریہ ان میں بھی اپنی مرضی کے مطابق تبدیلی چاہتی تھیں۔ پروڈیوسر سیلیش آرسنگھ جب آئی پی ایس جوڑے کی کہانی پر مبنی فلم کا آفر لے کر ان کے پاس پہنچے تو انہیں اسکرپٹ کافی پسند آئی لیکن انہوں نے میل لیڈ کے لئے ابھیشیک کو لینے کی ضد کی جسے تھوڑی سی سوچ وچار کے بعد مان لیا گیا۔ اب ایشوریہ نے ایک مطالبہ مانے جانے پر دوسری مانگ کے روپ میں اسکرپٹ میں تبدیلی کی بات کی تو میکر نے ان کی جگہ تاپسی پنو کو لے لیا۔ اب میکر ایشوریہ کی کسی شرط کو ماننے کے موڈ میں نہیں ہے۔ اس لئے ایشوریہ کو لے کر شروع ہونے والی فلموں میں سے زیادہ تر یا تو بند ہوتی جارہی ہیں یا پھر ایشوریہ کو ڈراپ کرکے میکر آگے بڑھ رہے ہیں۔ ’’استری‘‘ کی کامیابی کے بعد دنیش ویجن مرہٹی فلم ’’ملا آئی وائی چے‘‘ کا ہندی ری میک بنانے جارہے ہیں جس میں ایشوریہ کو لینے کا من بنا رہے تھے لیکن خبر ہے کہ ہوا کا رخ دیکھ کر اب وہ کسی دوسری ایکٹریس کی تلاش میں ہیں۔