ملبورن : 9 نومبر ( ایجنسیز ) آسٹریلیا کے میلبرن انٹرنیشنل ایئرپورٹ پر ایک مسافر اس وقت جھلس گیا جب اس کی جیب میں رکھا لیتھیئم پاور بینک اچانک پھٹ گیا اور آگ بھڑک اٹھی۔غیر ملکی میڈیا کے مطابق واقعہ قانتس ایئرلائن کے بزنس لاؤنج میں پیش آیا جہاں پاور بینک حرارت کے باعث اچانک آگ پکڑ گیا۔ دھواں پھیلنے کے بعد لاؤنج میں موجود تقریباً 150 افراد کو فوری طور پر باحفاظت باہر نکال لیا گیا۔عینی شاہدین کے مطابق عملے نے فوراً متاثرہ مسافر کو شاور روم میں لے جا کر آگ بجھائی، جس کے بعد طبی عملے نے ابتدائی امداد فراہم کی۔ زخمی شخص کو اسپتال منتقل کیا گیا جہاں اس کی حالت خطرے سے باہر بتائی جاتی ہے۔قانتس ایئرلائن نے واقعے کے بعد اعلان کیا ہے کہ وہ پاور بینک اور لیتھیئم بیٹریز کے استعمال سے متعلق اپنی پالیسی کا ازسرِنو جائزہ لے رہی ہے اور جلد نئی ہدایات جاری کی جائیں گی۔
جاپان میں 5.6 شدت کا زلزلہ
بیجنگ ، 9 نومبر (یو این آئی) جاپان کے شہر یامادا سے 125 کلومیٹر مشرق میں ہفتے کے روز رات دس بجکر 15 منٹ (جی ایم ٹی )پر 5.6 کی شدت کا زلزلہ آیا ۔ یہ اطلاع یو ایس جیولوجیکل سروے نے دی ہے ۔زلزلے کا مرکز ، 19.2 کلومیٹر کی گہرائی کے ساتھ ، ابتدائی طور پر 39.49 ڈگری شمالی عرض البلد اور 143.40 ڈگری مشرقی طول البلد پر تھا۔