سعودیوںکیلئے ایران میں ویزہ فری انٹری،باہمی تعلقات کی مکمل طور پربحالی کی کوشش
جدہ : ایرانی زائرین رواں ماہ عمرہ کی ادائیگی کے لیے آٹھ سال بعد سعودی عرب کا باقاعدہ سفر کر سکیں گے۔ ایرانی میڈیا کے مطابق یہ عمل خلیج میں تیل پیدا کرنے والے دو سخت حریفوں کے درمیان تعلقات بہتری کی طرف جانے کا ایک نیا اشارہ ہے۔نیم سرکاری نیوز ایجنسی فارس کے مطابق زائرین کو یہ پروازیں سال بھر ایران کے دس مختلف ہوائی اڈوں سے سعودی عرب کے شہر مکہ اور مدینہ جانے کا موقع فراہم کریں گی۔ اس رپورٹ میں مزید کہا گیا کہ ایرانی عمرہ زائرین کی پہلی پرواز 19 دسمبر کو سعودی عرب کے لیے روانہ ہوگی۔چین کی ثالثی میں مارچ میں ایک معاہدے کے تحت ایران اور سعودی عرب نے مکمل سفارتی تعلقات دوبارہ بحال کرنے کا عندیہ دیا تھا۔ ان دونوں روایتی حریفوں کے درمیان تعلقات 2016 سے منقطع تھے اور اس کا باعث ریاض کی جانب سے ایک شیعہ مسلمان عالم کو پھانسی دینا اور تہران میں سعودی سفارت خانے پر حملہ تھے۔2016 کے بعد سے، ایرانی باشندوں کو صرف حج کرنے کی اجازت تھی، جو مسلمانوں کے لیے ایک مذہبی فریضہ ہے اور سخت سالانہ کوٹے اور اوقات کے ساتھ مشروط ہے۔سفارتی تعلعقات کی بحالی کے بعد ایرانی اب عمرہ ادا کرنے کے بھی اہل ہوں گے جو کہ سال میں کسی بھی وقت کیا جاسکتا ہے۔ مذکرات کی وجہ سے ایران اور سعودی عرب کے درمیان غیر مذہبی سیاحت کو بھی دوبارہ فروغ ملے گا اور دونوں مملک کے دارالحکومت شہروں کو آپس میں پروازوں کے زریعہ جوڑنے کے امکانات ہیں۔ فارس کے مطابق فروری 2024 کے آخر تک 70,000 ایرانی زائرین کے سعودی عرب جانے کی توقع بتائی گئی ہے۔دوسری طرف ایران نے سعودی عرب کے شہریوں کو اپنے ہاں داخل ہونے کے لیے ویزا سے استثنیٰ دینے کا فیصلہ کرلیا۔ ایران نے سعودی عرب کو ان 33 ملکوں میں شامل کرلیا جنہیں ویزا سے مسثنیٰ قرار دینے کا فیصلہ کیا گیا ہے۔ایرانی وزیر برائے ثقافتی ورثہ اور سیاحت عزت اللہ زرغامی نے وضاحت کی کہ ان کا ملک یکطرفہ طور پر سعودی عرب، ہندوستان، روس، امارات، بحرین، قطر، کویت، لبنان اور دیگر سمیت 33 ممالک کے شہریوں کے داخلے کا ویزا منسوخ کرنے پر راضی ہے۔انہوں نے زور دیا کہ حکومت عملی طور پر ملک کے دروازے دنیا کے لیے کھولنے کے لیے پرعزم ہے۔ عزب اللہ زرغامی نے کہا کہ سیاحت دنیا کے تمام لوگوں کا حق ہے اور ایران طبی سیاحت کے علاوہ قدرتی طور پر پرکشش ممالک میں شمار ہوتا ہے۔ اس کے لوگ مہمان نواز ہیں۔