نندُربار، (مہاراشٹرا): وزیر اعظم نریندر مودی نے جمعہ کو پسماندہ اور قبائلیوں کے روٹی، کپڑا اور مکان سے متعلق خدشات کو حل کرنے کا یقین دلاتے ہوئے کہا کہ ‘ونچتوں کا جو ادھیکار ہے ، مودی ان کا چوکیدار ہے ۔ مودی نے مہاراشٹرا کے شمال مغربی ضلع نندربار میں منعقدہ ایک ریلی میں کانگریس پر طنز کرتے ہوئے کہا کہ میں کانگریس کی طرح شاہی خاندان سے نہیں ہوں۔میں غربت میں پلا بڑھا ہوں، مجھے معلوم ہے کہ آپ نے یہاں کتنی تکلیفیں برداشت کی ہیں۔ انہوں نے اسے مودی کی ضمانتوں میں سے ایک قرار دیا۔ انہوں نے پانی اور بجلی جیسی بنیادی سہولیات کی کمی سمیت قبائلی برادریوں کو درپیش چیلنجوں کو تسلیم کرتے ہوئے ان کے حل کے لئے اپنی حکومت کی کوششوں پر روشنی ڈالی، نیز انہوں نے ہرگھر کو مکان، پانی اور بجلی فراہم کرنے کے اپنے عزم کو اجاگر کیا۔ وزیر اعظم نے کہا کہ پی ایم آواس یوجنا کے ذریعے نندوربار میں 1.5 کروڑ سے زیادہ غریبوں کو چھت اور ضروری سہولیات فراہم کی گئی ہیں۔
