دبئی۔ آسٹریلیا کی عالمی شہرت یافتہآل راؤنڈر ایشلے گارڈنر اور انگلینڈ کے فاسٹ بولرکرس ووکس کو منگل کو انٹرنیشنل کرکٹ کونسل (آئی سی سی) نے جولائی 2023 کے لیے ماہ کا بہترین کھلاڑی قرار دیا ہے۔26 سالہ گارڈنر یکے بعد دیگرے ایوارڈز جیتنے والی پہلی کھلاڑی بن گئیں، جولائی میں انگلینڈ اور آئرلینڈ کے خلاف ایک اور شاندار کارکردگی کے بعد اپنے چوتھے آئی سی سی ویمنز پلیئر آف دی منتھ انعام کا دعویٰ کیا۔گارڈنر کی تازہ ترین فتح میں اس نے نیٹ برنٹ اور ہم وطن ایلیس پیری کو شکست دی جنہیں جولائی میں ان کی شاندار کارکردگی کے لیے شارٹ لسٹ بھی کیا گیا تھا۔ دوسری طرف مردوں کے زمرے میں ووکس نے گیند کے ساتھ اپنی کارآمد شراکت کے لیے آئی سی سی مینز پلیئر آف دی منتھ کا ایوارڈ جیت لیا۔ ووکس کی شاندرا بولنگ کی بدولت انگلش ٹیم کو ایشز سیریزکو برابری پر ختم کرنے میں مد ملی حالانکہ میزبان ٹیم 2-0 کے خسارے میں تھی ۔آئی سی سی نے ایک میڈیا ریلیز میں کہاگارڈنر اور ووکس آئی سی سی کرکٹ ڈاٹ کام پر رجسٹرڈ عالمی شائقین کے ووٹوں اورآئی سی سی ہال آف فیمرز، سابق بین الاقوامی کھلاڑیوں اور میڈیا کے نمائندوں پر مشتمل ایک ماہر پینل کی رائے دہی کے بعد فاتح قرار دیا گیا ہے ۔گارڈنر نے جولائی تک اپنی فام کو جاری رکھا، اس بار مختصر فارمیٹس میں اپنی صلاحیت کا مظاہرہ کیا۔ بیٹ سے مجموعی طور پر232 رنز اورگیند کے ساتھ 15 وکٹیں کے ساتھ آل راؤنڈر نے کیلنڈر مہینے کے دوران آٹھ ونڈے اور ٹی ٹوئنٹی میچوں میں نمایاں شراکت کی۔
