اورنگ آباد: مہاراشٹر میں سیاحت کو فروغ دینے کے لیے یہاں یونیورسٹی کیمپس کے تاریخی سونیری محل میں 25 سے 27 فروری تک ایلورا۔اجنتا انٹرنیشنل فیسٹیول کا انعقاد کیا جائے گا۔ ٹکٹوں کی قیمتیں اس میلے کے لیے مقرر کردہ رابطہ کمیٹی کے ذریعے طے کی جاتی ہیں۔ جمعہ کی رات یہاں جاری ہونے والی ایک سرکاری پریس ریلیز کے مطابق، سلور کے ٹکٹ کی قیمت 150 روپے ، گولڈ ٹکٹ کی قیمت 300 روپے اور پلاٹینم ٹکٹ کی قیمت 600 روپے فی کس ہوگی۔ یہ ٹکٹ کلکٹریٹ آفس، مہاراشٹر ٹورازم ڈیولپمنٹ کارپوریشن کے دفتر اور سنت ایکناتھ رنگمندر سے حاصل کیے جاسکتے ہیں۔ ریلیز کے مطابق ضلعی انتظامیہ، رابطہ کمیٹی اور ٹورازم ڈائریکٹوریٹ سے درخواست کی گئی ہے کہ اس فیسٹیول کے تمام پروگراموں سے شہر کے مکینوں کے ساتھ ساتھ یہاں آنے والے تمام سیاح بھی لطف اندوز ہوں۔ واضح رہے کہ پچھلی بار 2016 میں ایلورا-اجنتا انٹرنیشنل فیسٹیول کا انعقاد کیا گیا تھا لیکن اس کے بعد مختلف وجوہات کی بنا پر اس کا انعقاد نہیں ہو سکا تھا۔ فیسٹیول میں استاد راشد خان، استاد شجاعت خان، مہیش کالے ، روی چاری، شیومانی، وجے گھٹے ، سنگیتا مزومدار اور شنکر مہادیون اپنے فن کا مظاہرہ کریں گے ۔
