ریاض ۔ سعودی عرب میں ریاض ایوان تجارت میں خانگی تعلیم کی کمیٹی کے چیئرمین ڈاکٹر عبدالرحمان الحقبانی نے کہا ہے کہ کورونا وائرس کی وبا کے باعث اس سال ایک لاکھ سے زیادہ طلبہ خانگی اسکولوں سے نکل گئے ہیں۔ ویب سائٹ کے مطابق الحقبانی نے کہا ہے کہ ان طلبہ نے سرکاری اسکولوں میں داخلے لیے ہیں۔ڈاکٹر عبدالرحمان الحقبانی نے ریاض ایوان تجارت میں نجی تعلیم کمیٹی کے زیر انتظام ورکشاپ کے دوارن کہا کہ موجودہ صورت حال میں خانگی اسکول مشکل میں آگئے ہیں۔ ایک طرف تو ایک لاکھ سے زیادہ طلبہ نے داخلے ختم کروائے تو دوسری جانب ہزاروں طلبہ اسکولوں سے تعلیم مکمل کرکے نکل گئے اور ان کی جگہ نئے داخلہ نہیں ہوئے۔دوسری جانب تعلیمی فیس 70 فیصد تک کم ہوگئی ہے جس سے اسکول اپنی ذمہ داریاں پوری کرنے سے قاصر ہیں۔الحقبانی نے کہا کہ خانگی اسکولوں کو بحرانی حالات سے نکلنے کے لیے کئی تجاویز دی گئی ہیں۔ ان میں سے ایک تجویز یہ ہے کہ انہیں 5 ارب ریال تک کے قرضے دیے جائیں اور مقابل مالی فیس سے استثنٰی دیا جائے۔انہوں نے مزید کہا کہ خانگی اسکولوں کے قرضوں کی ری شیڈولنگ کی جائے۔ پہلی قسط کی وصولی وبا ختم ہونے کے چھ ماہ بعد وصول کی جائے۔ الحقبانی نے کہا کہ کمیٹی نے چار ورکنگ ٹیمیں تشکیل دی ہیں۔ ہر ایک کو درپیش چیلنجوں سے نمٹنے کے لیے الگ الگ کام دیے گئے ہیں۔
