نیویارک 13 جولائی (ایجنسیز) ایلون مسک کے اسٹارٹ اپ ایکس اے آئی نے ہفتے کے روز اپنے مصنوعی ذہانت کے اسسٹنٹ گروک کی شائع کردہ جارحانہ پوسٹس پر معافی مانگی۔ اس کے لیے اس سافٹ ویئر اپ ڈیٹ کو ذمہ دار قرار دیا گیا ہے جس کا مقصد تھا کہ یہ انسان کی طرح کام کرے۔منگل کے اپ گریڈ کے بعد گروک نے سوشل میڈیا پلیٹ فارم ایکس پر پوسٹس میں نازی رہنما ایڈولف ہٹلر کی تعریف کی اور کہا کہ یہودی کنیت والے لوگوں کے آن لائن نفرت پھیلانے کا زیادہ امکان ہوتا ہے۔بڑھتے ہوئے غم و غصے کے باعث ایکس نے ان میں سے بعض پوسٹس کئی گھنٹوں بعد حذف کر دیں۔ہم اس خوفناک رویئے کے لیے دل کی گہرائیوں سے معذرت خواہ ہیں جس کا کئی لوگوں نے تجربہ کیاکہ کمپنی نے ایکس پر ہفتہ کو پوسٹ کیا اور مزید کہا کہ اس نے مزید غلط استعمال روکنے کے لیے سسٹم میں ترمیم کر دی تھی۔کمپنی نے کہا کہ یہ تبدیلی اس وقت ہوئی جب چیٹ بوٹ سے کہا گیاکہ ایک انسان کی طرح پوسٹ کا جواب دیں اور ایسے بتائیں گویا آپ ان لوگوں کو ناراض کرنے سے نہیں ڈرتے جو سیاسی طور پر درست ہیں۔نتیجتاً گروک صارفین کے “شدت پسندانہ خیالات کے لئے حساس اور اثرپذیر ہو گیا جس کی وجہ سے اس نے صارف کو مشغول کرنے کے لیے غیر اخلاقی یا متنازعہ رائے پر مشتمل ردِ عمل پیدا کیا۔گروک تنازعات میں گھرا ہوا ہے جس کے بارے میں مسک نے وعدہ کیا تھا کہ یہ ایک ’’چبھنے والا‘‘سچ گو ہو گا۔
