حیدرآباد ، 16 اکتوبر ( یو این آئی) آندھراپردیش کے ضلع کرنول میں آن لائن فری حج درخواستوں کو پُرکرنے کے لئے ریاستی حج کمیٹی کی جانب سے کرنول ضلع کے اہم ٹاونس میں حج۔سیوا سنٹرس قائم کئے گئے ہیں۔حج درخواستوں کو مفت پُر کرنے ،اے پی اسٹیٹ حج کمیٹی کی جانب سے ہر سال کی طرح اس سال بھی 13 اضلاع میں حج سوسائٹی کے ذریعہ سفر مقدس کے لئے روانہ ہونے والوں کو مشورے ، اطلاعات فراہم کی جارہی ہے ۔حج کمیٹی کے اگزیکٹیو آفیسر ایل عبدالقدیر نے کہاکہ کرنول میں 7مقامات پر حج انفارمیشن سنٹرس کا قیام عمل میں لایا گیا ہے ۔کرنول سے حج کے لئے جانے والے عازمین ان حج ای سیوا سنٹرس سے مفت استفادہ کرسکتے ہیں جہاں پرآن لائن درخواستوں کے ادخال کی مفت سہولت رہے گی۔
